Páxina Web da Estación Fitopatolóxica do Areeiro - www.efa-dip.org - Avisos Fitosanitarios

		UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA

Inicio » Información Fitosanitaria » Avisos Fitosanitarios

BOLETÍN FITOSANITARIO AVISOS FITOSANITARIOS CURVAS DE VOO CONSELLOS LIMIARES
2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 Anteriores

Dic23	Kiwi

Nov11	Viña, Froiteiras e Maceira

Sep03	Viña, Maceira, Pereira, Plátano de sombra, Carballo e Piñeiro

Ago31	Viña

Ago27	Viña, Maceira, Pereira, Carballo e Piñeiro

Ago20	Viña e Maceira

Ago13	Viña e Maceira

Ago06	Viña e Maceira

Xul30	Viña, Maceira e Piñeiro

Xul23	Viña, Maceira, Carballo e Piñeiro

Xul16	Viña, Maceira e Carballo

Xul13	Viña

Xul09	Viña, Maceira e Varios cultivos

Xul02	Viña, Maceira, Froiteiras de óso e Millo

Xuño25	Viña, Maceira e Millo

Xuño19	Viña, Maceira e Castiñeiro

Xuño12	Viña, Maceira e Castiñeiro

Xuño09	Varios, Viña e Nogueira

Xuño04	Viña e Maceira

Maio29	Viña, Maceira, Varios cultivos e diversas especies forestais

Maio22	Viña e Maceira

Maio15	Viña, Maceira e Cítricos

Maio08	Viña, Maceira, Marmeleiro e Camelia

Abr30	Viña kiwi e Camelia

Abr23	Viña e Maceira

Abr22	Viña

Abr17	Viña, Maceira, Melocotoeiro e Evonymus

Abr13	Viña, Varios Cultivos, Kiwi, Carballo e Camelia

Abr08	Viña e Maceira

Mar20	Viña, Maceira e Carballo

Mar17	Viña

Mar13	Viña

Mar10	Piñeiro, Maceira, Froiteiras de óso e Ornamentais

Xan05	Froiteiras, Viña e Mantemento da maquinaria

AVISO FITOSANITARIO

06/08/2009

VIÑA Estado fenolóxico: Cora (inicio)
Mildeu:
A partir destes momentos será habitual observar manchas de aceite nos gromos terminais, en especial se, como este ano, se repiten constantemente condicións favorables ao desenvolvemento do fungo. Esta situación observámola xa nesta semana, non só nas nosas parcelas de seguimento senón tamén en boa parte dos viñedos de todas as comarcas. O *nivel de risco non é tan elevado como noutros momentos dado o inicio da cora, pero convén non descoidar a vixilancia* para evitar potenciais defoliacións (xa observadas nas plantas que non recibiron tratamentos).
Oidio:
Unicamente observáronse síntomas en plantas de variedades tintas e naquelas que non foron tratadas en toda a campaña.
Botrite:
Observáronse nesta semana algúns grans afectados por botrite (e tamén por *podremia ácida). A orixe das infeccións está sen dúbida na combinación de feridas ou fendas na uva coas condicións de clima húmido e cálido destes días. Consecuentemente, naquelas viñas en que exista algún tipo de dano en acio débese aplicar inmediatamente un tratamento dirixido aos acios.*
Trazas:
Continuamos con niveis moi baixos de capturas nas trampas aínda que se incrementou lixeiramente o número de penetracións larvarias atopadas.
Mosquito verde e outros cicadélidos:
No aviso anterior anunciabamos que posiblemente aparecerían os primeiros adultos de *Scaphoideus titanus* nestas datas e efectivamente así foi nunha parcela do Condado, onde capturamos o primeiro adulto nas trampas. Por outra banda, nalgunhas parcelas *incrementouse sensiblemente (mesmo superando o limiar de tolerancia) a presenza doutros cicadélidos* como o mosquito verde ou Zygina rhamni, polo que é aconsellable realizar un tratamento insecticida para o control das súas poboacións.
Ácaros:
Tanto nas mostras recibidas na Estación como nas follas procedentes de parte das nosas parcelas de seguimento do Salnés observamos poboacións de ácaros que alcanzan niveis importantes, suficientes para *xustificar a realización dun tratamento. Pero como sempre indicamos, non* se deben realizar intervencións acaricidas sen confirmar a súa presenza. Aínda así, no caso de ter que intervir fronte a ácaros e a cicadélidos, pódense elixir materias activas con actividade fronte a ambos os dous tipos de praga..
MACEIRA
Moteado:
Non observamos novos síntomas en ningunha das nosas parcelas de seguimento, pero débese recordar que o risco de infección permanece ata o final da campaña.
Cydia pomonella:
Nesta semana sí tivemos capturas de adultos nas trampas, pero non en todas as parcelas e sempre en cifras moi baixas.
Pulgón Laníxero:
Coas temperaturas máis elevadas desta semana incrementouse o nivel de parasitismo por Aphelinus mali, polo que non se debe tratar con insecticidas se se observa a actividade do parasitoide.
Araña vermella:
Nalgunhas comarcas empezan a observarse novamente formas móbiles deste ácaro sobre os novos gromos. Porén, antes de tratar débese confirmar a súa presenza.
Outros:
Nas variedades en fase de maduración débese retirar a froita con podremias e a caída ao chan, pois sobre ela se pode instalar con facilidade monilia ou botrite baixo as condicións de clima húmido que se rexistran.