UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA |
||||
Inicio » Información Fitosanitaria » Avisos Fitosanitarios |
|
|
AVISO FITOSANITARIO
|
||
VIÑA | |||
Mildeu: | |||
Nestes momentos xa se produciu a maduración da oospora en todas as comarcas vitivinícolas da provincia de Pontevedra. Aínda así, non é necesario tratar, posto que non se rexistraron as condicións necesarias para que as infeccións teñan lugar. |
|||
MACEIRA | |||
Pulgón laníxero: | |||
Vimos xa as primeiras colonias deste perigoso áfido nalgunhas árbores. As colonias detectadas non estaban parasitadas, e de feito o parasitoide adoita actuar con temperaturas algo superiores. Non existe ningún insecticida rexistrado especificamente para o control deste pulgón; no caso de ter que intervir, tería que conseguir calquera outro rexistrado en maceira, asegurándose de tratar a alta presión e de mollar ben a madeira. |
|||
Carpocapsa pomonella: | |||
Nos puntos de seguimento que instalaramos a finais do verán para comprobar cando se producía a emerxencia de adultos en primavera, aínda non se detectaron os primeiros nacementos. Aínda non é necesario tratar fronte a esta praga. |
|||
CARBALLO | |||
Altica quercetorum: | |||
Débese vixiar o agromado dos carballos para detectar o ataque precoz deste crisomélido defoliador. No anterior período vexetativo, as súas poboacións foron bastante elevadas no verán nalgúns lugares, sen dúbida a consecuencia dun ataque primaveral non controlado. Consecuentemente, se se aprecian os danos cómpre tratar empregando un dos dous insecticidas rexistrados: deltametrin ou flufenoxuron. |
|||