|
Piñeiro |
|
|
|
Froiteiras e Viña |
|
|
|
Viña |
|
|
|
Viña, Maceira e Tomate |
|
|
|
Viña, Maceira e Tomate |
|
|
|
Viña, Maceira e Tomate |
|
|
|
Viña, Maceira, Varios Cultivos,
Castiñeiro e Tomate |
|
|
|
Viña |
|
|
|
Viña e Maceira |
|
|
|
Viña |
|
|
|
Viña, Maceira e Pataca |
|
|
|
Viña |
|
|
|
Viña e Maceira |
|
|
|
Viña |
|
|
|
Viña, Maceira, Platano de Sombra e
Moreira |
|
|
|
Viña |
|
|
|
Viña e Pataca |
|
|
|
Viña, Maceira e
Castiñeiro |
|
|
|
Viña, Maceira e
Piñeiro |
|
|
|
Viña e Mirabel |
|
|
|
Viña, Maceira e Chopo |
|
|
|
Viña, Maceira, Pereira e
Tomate |
|
|
|
Viña, Maceira, Pereira e
Evónimo |
|
|
|
Viña, Maceira e kiwi |
|
|
|
Viña, Maceira, kiwi e
Pataca |
|
|
|
Viña, Maceira, Camelia e
Pataca |
|
|
|
Pataca |
|
|
|
Viña, Maceira, Melocotoeiro e
Camelia |
|
|
|
Viña, Maceira, Melocotoeiro, Evonymus e
outras ornamentais |
|
|
|
Viña, Varios Froiteiras, Froiteiras de
pebida e Cítricos |
|
|
|
Viña, Kiwi, Varios cultivos e especies
ornamentais e Camelia |
|
|
|
Viña e Piñeiro |
|
|
|
Maceira, Pereira, Ameixeira, Froiteiras de oso,
Viña e Kiwi |
|
|
|
Piñeiro |
|
|
|
|
AVISO FITOSANITARIO
19/08/2010
VIÑA Estado fenolóxico:
(Cora)-Maduración |
Mildeu:
|
Apenas se
observan síntomas de infección nas diferentes bisbarras, nin
sequera nas plantas que mantemos sen tratamentos en toda a campaña. Como
é sabido, neste momento o fungo xa non afecta ao acio e todo o
máis que poden aparecer son manchas en follas e síntomas en
pámpanos. Esta situación pode acontecer a raíz da
precipitación fina que tivo lugar localmente o día de onte (18 de
agosto), pero se se mantén o tempo máis ou menos estable (como
anuncian as previsións) non é probable que dea lugar a unha
elevada densidade de síntomas. Por este motivo, non é necesaria a
aplicación de tratamentos.
|
Oidio:
|
Nalgunha parcela especialmente sombreada e con presenza anterior da
enfermidade, observamos nesta semana un notable incremento na presenza de
síntomas en folla, pero non é a situación xeral. Ademais,
como dende o envero o fungo xa non pode afectar ao acio e non está
contrastado que a aplicación de tratamentos tardíos sexa efectiva
para reducir a presión da enfermidade na seguinte campaña, xa non
é necesario tratar.
|
Botrite:
|
As precipitacións que se
produciron localmente no día de onte (18 de agosto) apenas mantiveron
humedecidas as follas uns minutos, co que non xeraron unha situación
especialmente favorable á enfermidade. Malia a isto, xa se empezan a
observar danos por paxaros nalgunhas variedades o que, unido a potenciais
penetracións de trazas ou outros danos, pode favorecer a
penetración do fungo nos acios. No caso de necesitar aplicar un
tratamento, cómpre ter moi en conta o prazo de seguridade do funxicida
elixido, pois os hai de ata 28 días.
|
Trazas:
|
O
número de capturas de machos na nosa parcela de seguimento do
Condado incrementouse a 49 adultos, o que apunta a que nesta
parcela se alcanzou, probablemente, o máximo voo da terceira
xeración de Lobesia (os anteriores rexistráranse na
segunda quincena de maio e na primeira de xullo). Coa vendima próxima
non é probable que esta poboación se traduza en danos ao acio, e
de feito, polo momento non observamos postas e/ou
penetracións.
|
Cicadélidos : |
As
poboacións de Empoasca vitis e de Zygina rhamni nesta
campaña, polo menos nas nosas parcelas de seguimento,
mantivéronse en niveis baixos en xeral. Porén, como anunciaramos
nos dous avisos anteriores, capturamos os dous primeiros adultos de
Scaphoideus titanus, ambos os dous na bisbarra do Condado.
|
Ácaros: |
Continuamos a
observar síntomas do ataque de ácaros en viñedos de
diferentes bisbarras. Neste momento da campaña é especialmente
importante confirmar cal é o ácaro responsable dos
síntomas para elixir axeitadamente os fitosanitarios a utilizar no caso
de que sexa necesario intervir.
|
Outros: |
Coas
temperaturas rexistradas nos días pasados estanse a manifestar en
máis parcelas síntomas que apuntan á presenza de
enfermidades da madeira. Como avisamos todos os anos, cómpre
marcar estas plantas cando os síntomas son tan visibles para, no
momento de realizar as podas, tratalas separadamente.
|
MACEIRA |
Moteado:
|
A
potencial presenza de humidade foliar nalgúns momentos do día
incrementa o risco de infección. En calquera caso, segundo a
previsión meteorolóxica manterase o tempo relativamente estable
(aínda que incrementándose as probabilidades de chuvia) co que,
de cumprirse, non se espera un risco elevado nos próximos
días.
|
Cydia
pomonella: |
Como cada
ano indicamos, xa é un bo momento para a instalación de bandas de
cartón ondulado nos madeiros das árbores para capturar neles as
larvas que se retiran para pasar o inverno. Eliminando estas bandas antes da
primavera redúcese a incidencia da praga para a próxima
campaña.
|
Araña vermella:
|
No caso de
existir síntomas do ataque deste ácaro e de confirmar a
súa presenza en niveis superiores ao limiar de tolerancia, débese
ter moi en conta que a selección do acaricida a aplicar debe estar
condicionada polos prazos de seguridade.
|
Outros: |
Estanse a observar baixo as árbores dalgunhas parcelas,
mazás no chan. Como sempre insistimos, cómpre recollelas,
pois sobre esta froita pódense instalar patóxenos do tipo
Monilia ou Botrite, ou mesmo pode servir de zona de posta para a
mosca da froita.
|
TOMATEIRA |
Tuta
absoluta: |
Debido
á presenza desta praga en niveis importantes nalgúns
invernadoiros, débense adoptar as oportunas medidas de control, que
inclúen unha combinación de técnicas: tratamentos
químicos, loita biolóxica e, moi importantes medidas culturais do
tipo instalación de mallas nas ventilacións e eliminación
dos restos de cultivo.
|
|
|