Para os tratamentos antimildeu ou antioídio que sexan necesarios nas próximas semanas, preferiranse produtos que tamén estean rexistrados no Ministerio para black rot

Lembren que normalmente non é necesario tratar a primeira xeración de couzas porque os seus danos son menores (serían como moito unha especie de rareo) e ademais non hai relación directa entre a contía desta xeración e as seguintes, que son as que verdadeiramente poden producir danos.

Nas últimas campañas algúns viticultores incorporaron a loita fronte aos cicadélidos á súa práctica habitual. Porén, é fundamental intervir fronte a estes e outros insectos só se é realmente necesario, pois na viña existe unha ampla diversidade de fauna útil que pode verse comprometida con moitos dos insecticidas habitualmente empregados. Por iso, o seguimento de poboacións mediante trampas, que é moi sinxelo, é unha boa medida para optimizar o control

E volvemos insistir en que é moi importante non aplicar acaricidas a menos que se confirme a presenza de ácaros, pois estes animais teñen uns inimigos naturais, os ácaros útiles fitoseidos, que contribúen a regular de forma natural as poboacións fitófagas e que son moi sensibles aos acaricidas (e tamén a algúns insecticidas e mesmo funxicidas).

Esta especie de couza afecta non só a maceira senón tamén a pereira, marmeleiro ou mesmo nogueira. Os seus danos poden ser moi importantes, de ata máis do 80% de froitos atacados nalgunhas campañas e localizacións. Aliméntase como sabemos da polpa (tamén das pebidas) dos froitos, e poden chegar a causar a súa caída prematura e a facilitar a instalación de fungos patóxenos no ámbito. Por este motivo é tan importante a protección sistemática se hai antecedentes da praga e se non se efectúa un seguimento mediante as trampas de feromonas sexuais