En xeral, as chuvias rexistradas entre o xoves e venres pasado (días 26 e 27 de xullo), unidas ás de onte día 2, non foron suficientes como para producir un lavado dos tratamentos que se aplicaron, aínda que como sabemos si reducen o período de protección teórico dos fitosanitarios

Logo das precipitacións rexistradas onte día 2, que apenas alcanzaron os 4 litros/m² (o valor máximo foi de 3,9 en Simes), as previsións meteorolóxicas anuncian tempo bastante estable para os vindeiros días, co que a priori manterase a situación de baixo risco

Con condicións favorables á enfermidade é máis frecuente que nesta época poidan aparecer novos síntomas a nivel das follas ou pámpanos

Lembren que, na aparición desta enfermidade, non só é importante a climatoloxía (a humidade e as temperaturas elevadas son favorables) senón a presenza de lesións na uva, polo que mantendo os grans libres de feridas pódense limitar axeitadamente as infeccións

Precisamente as penetracións de couzas son unha importante vía de entrada á podremia gris (botrite). A práctica ausencia de poboacións importantes explica en parte a situación observada ata o de agora en relación a este patóxeno

Como dixemos noutras ocasións, estanse a revisar últimamente os limiares de tolerancia para esta praga, polo que, como tamén sempre insistimos, non convén aplicar insecticidas a menos que se vexa a necesidade.

Xa é bo momento para instalar bandas-trampa de cartón ondulado nas maceiras para capturar as eirugas que se retirarán a invernar. Polo xeral, as eirugas refúxianse en gretas da casca da árbore ata a primavera seguinte. Por iso, colocando bandas de cartón ondulado arredor dos troncos, proporciónaselles un bo refuxio; ao retirar estas bandas en outono (outubro-novembro) e destruílas, elimínase parte da poboación nociva para a seguinte campaña. Na secuencia que segue móstrase o proceso de instalación: