Consejo Superior de Investigaciones Científicas
UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA
Ver esta página en español
Ver esta páxina en galego
Browse this page in english
Inicio » Información Fitosanitaria » Avisos Fitosanitarios
Suscríbase as novidades da nosa Páxina web Suscribirse a las novedades por correo electrónico


AVISO FITOSANITARIO EXTRAORDINARIO (FORESTAL)
05/01/2017


PIÑEIRO
Procesionaria do piñeiro

Nalgúns lugares da provincia xa se están a iniciar as procesións de enterramento das eirugas de Thaumetopoea pityocampa. Estas procesións prodúcense cando as eirugas acadan a súa madurez e as temperaturas son suaves. Para iso abandonan os bolsóns, descenden polo tronco e entérranse no chan. Normalmente estas procesións comezan en marzo, e a data mais temperá que temos rexistrada ata agora fora no ano 2010.

As eirugas de procesionaria posúen pelos urticantes que liberan cando se senten ameazadas, producindo reaccións alérxicas e inflamatorias. No caso dos animais domésticos como os cans, chegan mesmo a xerar necrosis nos tecidos da boca e próximos. Por tanto NON SE DEBEN MANIPULAR BAIXO NINGÚN CONCEPTO. Con todo, caso de observar procesións en xardíns con piñeiros ou cedros, resultaría interesante evitar o enterramento das eirugas para impedir que continúen o seu ciclo biolóxico. Para iso pódese aplicar un insecticida piretroide ou ben impedir mecanicamente o proceso, TENDO A PRECAUCIÓN DE USAR TODAS AS PROTECCIÓNS PERSOAIS POSIBLES PARA EVITAR OS DANOS QUE PODEN PRODUCIR


Eirugas de procesionaria fóra do bolsón Eirugas de procesionaria baixando polo tronco Procesión no tronco
FRONDOSAS
Operophtera brumata

Desde mediados do mes de decembro estamos a capturar numerosos machos de Operophtera brumata nas trampas de feromona que instalamos en zonas de frondosas que en abril-maio estiveron afectadas por fortes defoliacións (ver aviso fitosanitario do 29/04/2016). Considerando os fortes danos que poden causar en diferentes especies de frondosas, aconséllase a instalación destas trampas para reducir as poboacións que poidan afectar á brotación deste ano.


 Arboles defoliados y no defoliados Síntoma en hojas desplegadas de roble Detalle de capturas de Operophtera brumata nunha semana