UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA
|
UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA |
|
|||
|
||||
|
||||
| Inicio » Áreas de Traballo » Edafoloxía » Diagnóstico de Fertilidade |
|
|
Diagnóstico de Fertilidade
 Ofréceselles
ós agricultores e ós técnicos de explotacións
agrarias un servizo de diagnóstico nutricional dos cultivos, baseado
fundamentalmente na análise química do solo: proba obxectiva
primaria, pero acudindo tamén ás medidas complementarias de
diagnóstico: análise foliar, observación dos
síntomas, exame dos solos e coñecemento da súa
tipoloxía; con todo iso se procede a asesorar en termos da
fertilización ou emendas que se estiman necesarias para adecuar o solo
ás esixencias de cada un dos cultivos. En relación con esta
actividade realízanse anualmente arredor de 2000 análises
básicas de solos, ademais das probas especiais que se consideran
necesarias nalgunhas situacións concretas. Coa análise do laboratorio e toda a información que se solicitou efectúase unha interpretación dos niveis e tamén se propoñen medidas particulares para a corrección dos solos, ben sexa encalando, ben subministrando fertilización orgánica ou diferentes fórmulas de fertilizantes minerais. Esta parte do informe é subxectiva, é dicir, efectúase unha proposta técnica tendo presente que existen diversas alternativas de fertilización ou corrección dos solos. A análise química é unha peza fundamental para o diagnóstico, pero non a única; en función do problema puntual acódese en ocasións ó diagnóstico visual e á análise foliar. Ó diagnóstico de solos acoden fundamentalmente usuarios de Pontevedra, pero diversos produtores do resto da Comunidade tamén demandan o servizo, que se lles ofrece se a demanda interna está cuberta. O maior número de solos analizados destínase a viña e a froiteiras en xeral, pero tamén se pide consello para pradarías e millo forraxeiro, diversos cultivos de horta e invernadoiro, etc. Ver no capítulo de análises edafolóxicas as correspondentes normas para a recollida de mostras, os datos básicos dunha análise e o resumo das técnicas analíticas empregadas. |