|
|
- Protección do cultivo fronte
a axentes meteorolóxicos adversos.- Dende o outono existe a
posibilidade de que se dean condicións meteorolóxicas adversas,
polo que convén comezar a preparar os sistemas destinados á
protección do cultivo, dende mallas para cubrilos ata outras estruturas
protectoras. Neste sentido, para árbores novas pódense empregar
tres canas (de lonxitude superior á altura da árbore), que se
unirán polo seu extremo superior cunha fita adhesiva conformando a
armazón dunha "tenda de campaña". Sobre esta estrutura colocarase
unha malla sen chegar ao pé da árbore.
Recordar que no
calendario do período xaneiro - abril se explicaba como facer fronte a
outros fenómenos meteorolóxicos adversos como ventos, xeadas,
sarabia etc. así como os tratamentos posteriores que se deben
realizar.
|