Consejo Superior de Investigaciones Científicas
UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA
Ver esta página en español
Ver esta páxina en galego
Browse this page in english
Inicio » Información Fitosanitaria » Avisos Fitosanitarios
Suscríbase as novidades da nosa Páxina web Suscribirse a las novedades por correo electrónico


AVISO FITOSANITARIO
21/07/2017


VIÑA Estado fenológico: L - M1
Mildio

As néboas densas e persistentes que houbo o luns 17, a nebulosidade do martes 18 e sobre todo as precipitacións rexistradas o mércores 19 (de ata 6-7 l/m2 nalgunhas estacións), unidas a temperaturas nocturnas aínda elevadas (salvo esta última noite) son condicións favorables ao patóxeno. Deste xeito, nas análises de que dispoñemos polo de agora das esporas recollidas nos captadores que temos instalados na nosa finca de Areeiro (un entre as filas testemuña e outro entre filas tratadas) houbo un incremento no volume das mesmas. As análises están dispoñibles ata o día 18, aínda que a tendencia que parecen ter os datos do 19 apuntan a un aumento aínda máis significativo debido ás choivas e polo tanto á maior humidade.

grafica_19052017

Na nosa visita aos viñedos da nosa rede e a outros que revisamos observamos precisamente unha lixeira presenza de manchas novas con esporulación nos crecementos máis tenros, e mesmo nalgunha finca manchas vellas que, illadamente, presentaban novamente esporanxios do fungo e/ou certa zona de avance. Pola súa banda, nos acios, que aínda non acadaron o pintado na súa totalidade, non observamos novos síntomas, e os antigos aparecen controlados.

19xull17_Mildio nos crecementos tenros en tinto 19xull17_Esporulacion de mildio en tinto 19xull17_Mancha nova en folla tenra 19xull17_Enves de mancha nova en folla tenra 18xull17_Mancha de mildio antiga 18xull17_Enves de ancha de mildio antiga
As diferentes previsións meteorolóxicas anuncian ceos con nubes e claros polo menos ata sábado ou domingo, e varias delas indican alta probabilidade de precipitación (lixeira, iso si) para últimas horas de hoxe e/ou primeiras horas de sábado. Desde ese momento case todas coinciden en que o tempo tenderá a estabilizarse, polo que o risco de infección medio xerado polas choivas baixará. Con esta situación, a nosa recomendación é:
  • Naquelas viñas aínda dentro do período de protección do tratamento anterior e co pintado maioritariamente acadado, revisar o viñedo, aínda que non deberían aparecer novos síntomas máis que esporadicamente nos crecementos non protexidos;
  • Naquelas fóra do período de cobertura do tratamento anterior, facer unha nova aplicación cun produto cúprico para protexer a vexetación e os posibles danos que poida haber nos acios que aínda non acadaron o pintado polas condicións favorables rexistradas.


Nos viñedos que non foron sometidos recentemente a podas en verde pódese reducir o nivel de infección eliminando os gromos novos con follas tenras que son as que presentan manchas, o que facilitará tamén a ventilación e o bo estado sanitario xeral dos acios. Ademais, lembren que, co mesmo obxectivo, é imprescindible manter a cuberta vexetal ben segada

12xull17_Nas viñas adiantadas hai indicios de pintado E imprescindible a sega da cuberta vexetal


Oídio

Pese a ter habido condicións moi favorables ao patóxeno durante estes últimos días, só observamos sinais do fungo nuns acios e nalgunha folla nova dunha finca de O Salnés que fomos visitar esta semana. O motivo da nosa visita foi precisamente que presentaba ataques mal controlados de varios patóxenos, pero comprobamos pola situación dos afectados que era debido a un exceso de frondosidade na viña, que non permitía a chegada dos produtos de tratamento a eles, o que redunda unha vez máis na importancia das labores culturais para axudar a manter os acios sas. Xa sabemos que conforme se xeneralice o pintado o risco diminúe, pero de momento, e sobre todo en parcelas con variedades sensibles e historial de danos pola enfermidade, recoméndase manter a vixilancia, aínda que xa non son de esperar ataques significativos.

18xull17_Oidio en gromo novo 18_xull17_Acio con oidio en Salnes 18_xull17_Outro acio con oidio en Salnes
Botrite

Como vimos dicindo, a sensibilidade dos acios ao mildio e ao oídio desaparece desde o pintado, pero aumenta a susceptibilidade á botrite (podre), que ven a ser a enfermidade que representa un risco maior ata a vendima. Ademais da humidade e da temperatura, o estado xeral das uvas tamén inflúe a súa instalación, e este, de momento e cando menos nas fincas da nosa rede e na maioría das que visitamos, é moi bo.

As labores de esfollado e desnetado son medidas preventivas moi eficaces que axudan a loitar fronte a esta enfermidade

28xuñ17_O aspecto xeral do albariño e moi bo 28xuñ17_Tamén os acios de Loureira están sas
Couzas do acio (Lobesia botrana, Eupoecilia ambiguella)

Na maioría das parcelas da nosa rede parece que rematou o voo da segunda xeración de Lobesia botrana, pois xa non tivemos capturas. Tampouco nesta semana observamos postas ou síntomas da actividade das eirugas en ningunha viña.

28xuñ17_Gran con penetración couza Penetración couza con eiruga entre dous grans
Cicadélidos

Nesta semana observamos, nalgunhas viñas da comarca de O Salnés, un incremento destes insectos voando. Este incremento tamén o notamos, aínda que menos evidente, nas trampas, e en todo caso non chega a ser tan alto como para xustificar a realización dun tratamento. Ademais, o reconto de ninfas nas follas permanece en termos similares aos da semana anterior, polo que de momento só se aconsella incrementar a vixilancia nesta zona.

12xull17_Incremento cicadelidos finca Salnes Ninfa de Zygina rhamni en folla
Ácaros

Nunha viña que visitamos esta semana en Ribadumia observamos a sintomatoloxía típica de Calepitrimerus vitis, causante da acariose. Recollemos mostras e puidemos comprobar no laboratorio que o ton bronceado das follas e os entrenós curtos e en zigzag debíanse a unha elevada presencia deste ácaro. Non é nin moito menos unha situación xeneralizada, porque no resto de fincas non aparecen estes síntomas e as análises das follas no laboratorio continúan dando ausencia de individuos. Pola contra, continúan facéndose máis evidentes os síntomas da erinose de verán.

18xull17_Bronceado das follas por acariose Entrenos curtos e en zigzag por acariose  28xuñ17_Nalgunhas viñas segue habendo gromos con erinose
Outros (trips, enfermidades de madeira e golpes de sol)

Na finca de O Salnés onde levamos dúas semanas comprobando as poboacións de trips (da especie Drepanothrips reuteri) xa se empeza a observar o cambio de cor das follas coas picaduras de alimentación características. Porén, trátase dun síntoma que de momento permanece bastante localizado nunhas plantas, e polo tanto non se vai recomendar un tratamento xeral na parcela.

Punteaduras necróticas e entrenós curtos por trips Adulto de Drepanothirps reuteri en folla de viña Ninfas de Drepanothrips reuteri
MACEIRA
Moteado

Nas parcelas da nosa rede de seguimento continuamos sen ter síntomas de moteado, pero o incremento da humidade xerado polas nubes e a choiva pode favorecer a aparición de nova sintomatoloxía naquelas fincas onde si se detectara o fungo. Lembren que ata o momento da colleita poden producirse danos nas mazás e que en caso de tratar hai que respectar estritamente o prazo de seguridade do funxicida elixido.

Síntomas de moteado en manzana Síntomas de moteado en manzanas
Cydia pomonella

No caso de non dispor de trampas para o seguimento do voo destas bolboretas, debe manterse a protección ata o momento da colleita. En caso de realizar algunha aplicación fitosanitaria en variedades de maduración estival, debe respectarse escrupulosamente o prazo de seguridade do produto utilizado. Por outra banda, xa é bo momento para instalar as bandas-trampa destinadas a capturar as eirugas que se retiran a invernar. Estas bandas, lembren, deben ser retiradas e destruídas no outono.


En todo caso, lembren que as penetracións das eirugas non só deprecian directamente os froitos senón que tamén favorecen a instalación de fungos de podremia sobre eles, polo que é conveniente retiralos

Outros (danos por paxaros)

A estas alturas, xa se poden observar, en moitas zonas, danos causados por estes animais ao alimentarse. Sobre as feridas que xeran poden, en condicións de humidade, instalarse fungos oportunistas como a botrite que terminan dispersándose pola árbore e afectando a boa parte da froita. Tamén diversos dípteros, como Drosophila spp. ou Ceratitis capitata, poden aproveitar estas feridas, depreciando aínda máis a froita.
Daños por pájaros y macho de Drosophila suzukii Las manzanas con pudrición deben ser eliminadas
MARMELEIRO
Oídio

En moitas fincas con pés destas árbores está a incrementarse a presenza de follas co micelio deste patóxeno. Se a situación é coincidente e o número de follas afectadas é importante haberá que aplicar un tratamento.
17jun15_Nuevos signos de oidio en membrillero Forte presenza de oídio en folla de marmeleiro
Entomosporium maculatum

Tamén na maioría das zonas hai una forte presenza de follas coas manchas características deste fungo, que pode causar defoliación e polo tanto comprometer a maduración dos froitos. Por este motivo é necesario aplicar un tratamento (entre os fitosanitarios que se poden empregar están o clortalonil ou a dodina).
Entomosporium maculatum e oidio en folla de marmeleiro Síntomas de Entomosporium maculatum sobre folla de marmeleiro Manchas Entomosporium cuerpos  hongo
PLÁTANO DE SOMBRA
Oídio e tigre do plátano (Corythuca ciliata)

A presenza do patóxeno (oídio) e do insecto (tigre) é practicamente unha constante nas follas das árbores dos nosos parques e avenidas.
Ramillo plátano sombra fuerte ataque oidio Platano sombra daños tigre platano oidio
HORTÍCOLAS EN RECOLECCIÓN
Varias pragas

Naqueles cultivos como o tomate ou a pataca onde se están a levantar plantas pola colleita, lémbrase a importancia de eliminar todos os restos das fincas, pois poden albergar a diferentes pragas. Todos sabemos que o máis habitual é non retiralos (sobre todo nas patacas), pero coa súa eliminación reducimos o nivel das poboacións dos parasitos para o ano seguinte.
Os restos do cultivo deben eliminarse Restos de cultivo que deben ser eliminados