|
|
- Tratamentos para promover o
callado do froito.- Trátase dun conxunto de técnicas
destinadas a estimulalo, que normalmente se realizarán sobre o mes de
xullo. As dúas prácticas principais para iso son:
- Descascado anular:
Consiste en realizar unha serie de aneis nas pólas secundarias da
árbore para favorecer a alimentación da zona que queda por enriba
do anelado ao concentrar nela o zume elaborado e polo tanto os nutrientes. Con
iso pódese conseguir un aumento do diámetro dos froitos de 2,5 a
4 mm. Pode utilizarse igualmente para incrementar o callado das variedades con
problemas de frutificación. Os aneis serán de aproximadamente 1
mm de anchura e de realizarán cunhas tesoiras apropiadas (de fío
curvo). É moi importante non afondar ata a madeira, pois podería
cortar a circulación do zume bruto e xerar amarelado das follas debido a
deficiencias en nutrientes.
- Incisións:
Realízanse co mesmo obxectivo que a práctica anterior e consisten
en realizar unha pequena marca na casca en forma de V por enriba da
inserción do gromo que se desexa estimular. É menos agresiva, ao
ser menor a lonxitude de corte.
Ambas as dúas prácticas
cómpre realizalas en pleno período vexetativo ao final da
época de callado, aínda que os seus efectos son positivos
aínda que se realicen a comezos de setembro.
- Aplicación de
auxinas de síntese: En caso necesario (consultar un técnico)
pódense pulverizar produtos a base desta hormona para incrementar o
tamaño dos froitos. Cómpre realizarse en torno aos últimos
días do callado, cando o tamaño do froito está comprendido
nun rango de 15 a 30 mm (dependendo da variedade). Débese evitar
realizalo en días ventosos e nas horas de maior insolación e polo
tanto de temperatura máis elevada.
|