|
|
- Tratamentos fitosanitarios
Augado
(Phytophthora spp). Pode afectar á base do tronco, as
raíces e as pólas. Os seus síntomas non son
específicos e son semellantes aos que xera unha deficiencia nutricional.
Un deles é a perda de follas na parte superior da copa, a máis
distanciada das raíces. Ademais, pode observarse a secreción de
goma (zume) sobre todo na época seca, en estados avanzados poden
aparecer primeiro exsudados e posteriormente secrecións gomosas de cor
escura (tinta) no tronco, pólas principais e secundarias. A consecuencia
desta enfermidade, a árbore pode morrer. O control das patoloxías
de raíz debe ser preventivo (mediante a aplicación de medidas
culturais) e/ou químico. Entre as medidas preventivas deberanse realizar
enxertos en patróns tolerantes e resistentes, plantar preferiblemente en
solos francos, profundos e ben drenados (evitar que haxa auga líquida no
solo), realizar un bo control das malas herbas, evitar no posible danos
mecánicos nos troncos e raíces das árbores, etc. No
tocante á aplicación de tratamentos fitosanitarios, estes poden
efectuarse con funxicidas como fosetil-Al.
|
Formas
ápteras de pulgón Pulgóns (Aphis spiraecola, A. gossypii,
Toxoptera aurantii, T. citricida). As poboacións
destes insectos poden acadar os seus niveis máis elevados durante o
período estival. No caso de que o ataque sexa incipiente, pode
pulverizarse a árbore con auga con xabón. Se pola contra o ataque
é máis intenso recoméndase a aplicación de
insecticidas específicos. |
|
Colonia
de pulgóns en gromo |
|
Minador dos gromos
(Phyllocnistis citrella). Se é necesario, neste
período poderanse realizar dúas intervencións insecticidas
a finais do agromado de verán, espazadas en 10 - 12 días.
|
Síntomas de minador |
|
Femia
de cochinilla acanalada Cochinillas
(Ceroplastes sinensis, Saissetia oleae, Icerya purchasi, Planococcus citri,
Coccus hesperidium, Lepidosaphes beckii e outras especies). Entre os
síntomas que producen estes insectos chupadores están o
amarelado, debilitado, e mesmo defoliación. A estes síntomas hai
que engadir a instalación de fungos de fumaxina sobre a melaza que
segregan algunhas especies. En xeral, aplicaranse tratamentos con aceite de
parafina ou outros insecticidas rexistrados. As intervencións son
eficaces sempre que se realicen cando se observe o maior número posible
de larvas (estado máis sensible), xa que disto depende o 90% de eficacia
do tratamento. |
|
Colonia
de Saissetia oleae |
|
Negriña ou
fumaxina. É un fungo que aparece na superficie das follas, as
pólas e o tronco como unha película de cor negra cando a
árbore presenta poboacións de pulgóns, cochinillas ou
moscas brancas. A súa presenza dificulta a fotosíntese, xa que
pode recubrir completamente as follas. O seu control é indirecto, e
consiste en eliminar os insectos aos que se
asocia.
|
Negriña |
|
Moscas brancas. Son
insectos chupadores que se alimentan do zume que extraen das follas. Son moi
frecuentes en verán. Os primeiros síntomas da súa presenza
son a propia aparición dos insectos e o amarelado das follas, que
posteriormente poden secar e caer. Despois aparece a "negriña" sobre a
substancia azucrada que segregan (melaza).
A especie máis
frecuente, e a máis difícil de controlar, é
Aleurothrixus floccosus. Os tratamentos realizaranse cando se comece a
observar a súa presenza, e sempre dirixidos ao revés das follas,
que é onde se alimentan. Adoitan ser necesarios varios tratamentos,
espazados 10-12 días.
|
Signos
da presenza de mosca branca |
|
Ácaro "das
marabillas" (Aceria sheldoni). Ataca especialmente ao limoeiro,
tanto en verán coma noutras épocas, aínda que os seus
danos se observan máis frecuentemente en verán xa que neste
momento só necesita 15 días para completar unha xeración.
O ácaro aliméntase no interior da xema e dana as brácteas
e os primordios que darán orixe a follas, flores e froitos. Como
consecuencia, provoca un ennegrecemento das xemas e a morte destas, así
como a dos froitos en formación. Se os froitos continuaran co seu
desenvolvemento, presentarían intensas deformacións.
|
Deformación causada polo ataque do "ácaro das
marabillas" |
|
Araña vermella.
Esta praga, ao igual que outras, é típica do verán, xa
que vese favorecida polas temperaturas elevadas. Os seus síntomas
característicos son a aparición de descolorado en forma de
pequenos puntiños nas follas e, cando as poboacións son
abundantes, unha coloración amarelo - parda nas follas, coa conseguinte
perda da actividade fotosintética. Os aceites que se empregan para o
control de cochinillas poden reducir as poboacións da araña
vermella, aínda que existen produtos específicos (consultar cos
técnicos).
|
Femia de
Araña vermella |
|
|